ధ్యాన మందిరం 

పరాశక్తి తొలిగా ధరించిన ఐదు రూపాల్లో సరస్వతి మాత ఒకరు. ఈ తల్లి కేవలం చదువులనే కాదు సర్వశక్తి సామర్థ్యాలను తన భక్తులకు ప్రసాదిస్తుంది. గ్రంథాలయానికి వచ్చే విద్యార్థులకు ఎలాంటి అనవసరపు ఆలోచనలు రాకూడదనే భావనతో గ్రంథాలయ ప్రాంగణంలో సరస్వతీ ధ్యానమందిరాన్ని 2023లో ఏర్పాటు చేయబడింది. ఈ మందిరంలో 8 అడుగుల సరస్వతీ మాత , ఆకర్షణీయమైన శైలిలో కొలువుదీరింది. జ్ఞాన ప్రదాయిని అయిన అమ్మవారు కొలువుదీరిన ముల్కనూరు ప్రజాగ్రంథాలయ ప్రాంగణంలో విద్యార్థులు, యువత, భక్తులు ప్రశాంతమైన నిర్మల వాతావరణంలో ఆమెను దర్శించుకుంటూ.. చదువుల బాట పడుతారు. ఈ ఆలయ నిర్మాణానికి శ్రీ గణశ్యాం పటేల్ కుటుంబం రూ. 5 లక్షల ఆర్థిక సాయం చేసింది.