దేశ స్వాతంత్య్రం కోసం, ప్రత్యేక తెలంగాణ రాష్ట్రం కోసం నిస్వార్థంగా పోరాటం చేసిన నాయకులు ముల్కనూరు నుంచి ఎందరో ఉన్నారు. ఇక్కడి చుట్టుపక్కల గ్రామాలు స్వాతంత్ర్య ఉద్యమంతోపాటు, తెలంగాణలో రజాకార్లకు వ్యతిరేకంగా ఉద్యమించాయి. జాతీయ స్థాయిలో మచ్చలేనినేతగా ఎదిగి, ప్రధాన మంత్రిగా సేవలు అందించిన పీవీ నరసింహారావు గారు ఈ ప్రాంతానికి చెందిన వారే కావడం విశేషం. అలాంటి గొప్ప వ్యక్తుల్లో భూపతి కృష్ణమూర్తి గారు, పడాల చంద్రయ్య గారు, అలిగిరెడ్డి కాశీవిశ్వనాథ రెడ్డి గారు, బొజ్జపురి వెంకటయ్య గారు , కృష్ణమాచార్య గారు, పౌలు గారు, రావులపల్లి దామోదర్​ రావుగారు ఉన్నారు. 
 సొంత ఆస్తులను సైతం ఉద్యమాల కోసం ధారపోసిన త్యాగశీలురు, జాతీయ స్థాయిలో అభిమానులను పొందగలిగిన ఎందరో నేతలు ఈ ప్రాంతం నుంచి వెళ్లినవారే. అలాగే మా గురువులు శ్రీమతి సరోజిని, శ్రీయుతులు కోడూరి రాజయ్యగారు , శ్రీనివాసాచార్య గారు , సంపత్ కుమార్ గారు , ఎం రాజయ్య గారు, భూపతి రవీందర్​ గారు, తా రాబాయి గారు భావి తరాలకు ఆదర్శప్రాయులు.