ముల్కనూరు ప్రజా గ్రంథాలయం స్వచ్ఛంద సేవకు నిలువెత్తు నిదర్శనం.  ఏ  ఎన్జీవో లోనైనా  సంస్థకు వచ్చే నిధుల్లో 35% నుంచి 40% వరకు సిబ్బంది జీతభత్యాలకు కేటాయిస్తారు. కానీ, ముల్కనూరు ప్రజా గ్రంథాలయం ఈ  విధానానికి పూర్తిగా భిన్నం.  గ్రంథాలయానికి విరాళాల రూపంలో వచ్చే  ఒక్క పైసా కూడా సిబ్బంది జీతాల కోసం వినియోగించబడదు. ఈ మొత్తం   ఫండ్  అంతా గ్రంథాలయ అభివృద్ధికి, పుస్తకాల కొనుగోలుకు, పేద విద్యార్థుల భవిష్యత్తుకు సంపూర్ణంగా అంకితమవుతోంది.
ఎందుకంటే, ఇక్కడ పనిచేసే సిబ్బంది జీతాలు తీసుకునే ఉద్యోగులు కాదు. వారంతా తమ కర్తవ్యాన్ని గుర్తెరిగి, తమ సమయాన్ని, శ్రమను స్వచ్ఛందంగా (వలంటీర్లుగా) ఈ మహత్తర కార్యానికి అంకితం చేసిన సేవామూర్తులు. ఇలా నిస్వార్థ సేవకు మారుపేరుగా  మహత్తర సంస్థగా ముల్కనూరు ప్రజా గ్రంథాలయం నడుస్తోంది.